အပြည်ပြည်ဆိုင်ရာ သူရဲကောင်းနေ့
ကမ္ဘာမြေပေါ် ပွက်ပွက်ဆူညံသံ ထွေးထုတ်ခံရတဲ့ညနေ အဆုံးစီရင်ခြင်းအမျိုးမျိုးမှာ ဒီစိတ်အပန်းဖြေဟာ လူကြိုက်များတယ် ဦးဦးဝီ ကိုကိုရမ် မောင်မောင်ဂျင် မမ၀ိုင် လစ်မစ်တူရင် လူချင်းတွေ့ကြသတဲ့ ကိုယ့်ကျွမ်းလောင်ခြင်းကို သူများမီးနဲ့ညှိယူဖွာရှိုက် ပေါလောပေါ်နေတဲ့ ရေခဲတုံးလိုဘ၀တွေ ပြင်းလွန်းတဲ့မနက်ဖြန်ကို ခွက်ထဲငှဲ့ပြီးလှုပ်ချလိုက်ရင် အရောင်ပြောင်းသွားမလားမျှော်လင် အသိခေါက်ခက်ကို အာလေးလျှာလေးရီဝေပစ်ကြ ရယ်ရယ်မောမောနဲ့ ပေါ့ပေါ့ပါးပါးလွင့်ပစ်ကြ တော်တော်မောသလားတစ်ခွက်ဆို မျက်ရည်တောက်တောက်ကျအောင် မေ့တယ် ရင်ထဲရှုပ်နေမှ ခေါင်းလည်းမကြည်မှာ ဒီအဆိပ်ရဲ့ဖြေဆေးဟာအဆိပ်ပဲ သူရဲကောင်းအဆက်ဆက် လက်ဆင့်ကမ်းခဲ့ကြ ဒီအမည်ဟာ ဒီကမ္ဘာပေါ်ကတစ်လက်မမှမရွေ့ဘူး သည်းအူပြတ်ချစ်ခြင်းနဲ့ သစ္စာသွေးရဲခဲ့ပြီးနောက် လုပ်စရာဟာ ဘာမှမကျန်တော့ဘူးဆိုပါတော့ ကိုယ်လည်း တစ်မိနစ်ငြိမ်သက်ထားလိုက်တယ်။ ။ သစ္စာမင်းအိမ် |
No comments:
Post a Comment