နှုတ်ဆက်ခြင်းမှာ ငါနဲ့မင်း

ကမ်းကခွာနေတဲ့သင်္ဘောတစ်စင်းဟာ
နောက်ဆုံးဥသြကိုသံရှည်ဆွဲလိုက်တယ်
ဒါနဲ့ပဲငါတို့ဝေးရတော့မှာလားကွယ်
မပြနဲ့
ကျေးဇူးပြုပြီးလက်မပြပါနဲ့
တဆတ်ဆတ်ခါနေတဲ့လက်ဖျားမှာ
မေတ္တာတရားလေးအစင်းရာထင်သွားလိမ့်မယ်
သိနေကြတာပဲ
ဒီတစ်နွေလည်းအရိပ်မရနိုင်ဘူးဆိုတာ
ကောင်းကင်ကြီးမပြာတော့တဲ့အခါ
ပင်လယ်ပါပက်လက်မျောသွားခဲ့တယ်
မင်းပင်လယ်ဟာငါ့လက်ယက်တွင်း
ငါ့ကောင်းကင်ဟာမင်းမနက်ခင်းပေါ့
ခေါင်းကိုမော့ထားအချစ်ရယ်
မသဲမကွဲလေးငေးချင်သေးလို့
ငါကြားလိုက်တာမင်းရှိုက်သံမဟုတ်ဘူးမလား
သေချာပါတယ်
စိုစွတ်မျက်တောင်ခတ်သံပါ
အဲဒါငါ့ဆီကလား
မတွေးဝံ့တော့ဘူးအချစ်ရယ်
ငါ့နှုတ်ခမ်းတွေအစမ်းသေနေပြီ
ငါ့ခြေလှမ်းတွေဇက်ကျိုးကျနေပြီ
တကယ်လို့တွေအကယ်ရွေ့တွေနဲ့
အဲဒီတုန်းကတွေဖြစ်နိုင်ရင်တွေနဲ့
မလွမ်းဘူး
တစ်ယောက်ရင်ကိုတစ်ယောက်တူးခဲ့ကြတာ
နောင်တရဖို့မှမဟုတ်ဘဲ
မီးခိုးမျှင်လေးတစ်စတစ်စအလှမ်းကွာ
မင်းမမြင်နိုင်တဲ့နေရာရောက်ပြီဆိုမှ
ရိုးရိုးလေးငါငိုချလိုက်တယ်
မကြားရတော့ဘူးအချစ်ရယ်
မင်းဘယ်လိုခေါင်းငုံ့လိုက်တာလဲ။                ။

သစ္စာမင်းအိမ်
၂၉၊၃၊၂၀၁၃