တောနက်ဆန်ဆန် မြို့ပြသတ်ကွင်းထဲ
ကိုယ်ခံအားလေး ကျွမ်းထိုးမှောက်ခုံ
မမှတ်မိဘူးဆိုရင် ပြောပြပါမယ်(လောကသို့)
ကျွန်တော်မရဏဖွားပါ(အခုအရွယ်ရောက်ပြီ)
ကျွန်တော်ဝါဆိုလဖွားပါ(ယောက်ျားစစ်စစ်)
ကျွန်တော်တနင်္လာသားပါ(အသက် ၁၅နှစ်ကျော်ပြီ)
ရင်ဘတ်နဲ့နောက်ကျောတောင်မခွဲခြားတတ်တဲ့ကောင်ကို
မင်းဘာတွေပူဆာဦးမလဲ
ညောင်ပင်ရှေ့ပဲသွားလိုက်တော့ချစ်သူ
ကလင်ဒါခွင်လည်းကျတယ် ပေတံလည်းလွတ်တယ်
မွေးထားတာလည်းကြာပြီ ဒါတောင်
လက်ညှိုးထိုးတိုင်းရေမဖြစ်ဘဲပုပ်ပုပ်ကုန်တော့
ချိန်းထားချိန်ထက်နောက်ကျပြီးမှပဲရောက်ဖြစ်တော့တယ်
ဟဲလို ဟဲလို ကြားရလား
အခုပြောနေတာ ငါလေ ကြားရလား
လောကလား သေတစ်နေ့မွေးတစ်နေ့လား ဟဲလို
တကယ်ဆို
ငါလည်းတက်တူးနဲ့ပဲ
နည်းနည်းလေးတော့ရှိန်ဖို့ကောင်းတာပေါ့ကွာ။ ။
သစ္စာမင်းအိမ်
၂၇၊၃၊၂၀၁၃
No comments:
Post a Comment